Die hoop is dat die agterstand met die druk van rybewyskaarte hopelik teen einde Augustus uitgewis sal wees.

Die land se enigste masjien wat rybewyskaarte kan druk, loop weer nadat daar in Mei fout gegaan het met die masjien toe roetine instandhouding gedoen is.

Die departement van vervoer hoop nou om 120 000 rybewyskaarte per week te druk om die agterstand in te haal.

‘n Nuwe rybewyskaart word tans ontwikkel  en beplan die departement om die nuwe rybewyse voor die einde van die huidige boekjaar te begin druk maar daarvoor is nuwe masjiene nodig.