Midvaal Brandweer was spoedig op die toneel waar hulle die man bewusteloos in die mangat, van sowat vyf meter diep, aangetref het. Die helfte van sy lyf het in die riool gelê. Hy het vermoedelik flou geword weens die rioolgasse in die mangat.

‘n Brandweerman van Midvaal Brandweer het in die mangat geklim en die munisipale werker op suurstof geplaas, terwyl die ander brandweermanne die toerusting gereed gekry het om die reddingspoging uit te voer.

Te danke aan Midvaal Brandweer se flink optrede kon hulle daarin slaag om die werker betyds uit die mangat te trek. Hy is in ‘n ernstige toestand deur ER24 hospitaal toe geneem.