‘n Man moes Saterdagoggend in die vroeë oggendure noodmediese behandeling ontvang nadat hy oor ‘n palissade-heining probeer klim het.
Die man het klaarblyklik sy balans verloor en een van die staalpenne van die palissade het toe in sy arm gesteek. Die Ngwathe Brandweerdiens het met lewenskake gehelp om die stuk staal los te sny van die heining, terwyl Community Care noodmediese personeel hulp op die toneel verleen het.
Die man is toe per ambulans na die hospitaal geneem waar die staalpen in die teater uit die man se arm verwyder moes word.

Die man het aan polisie en sekuriteitsbeamptes gesê dat hy oor die palissade wou klim om glo kos te kry.