Die ongelooflike nalatenskap van die 63-jarige prof. Elda de Waal is selfs na haar skielike dood iets wat geslagte lank nog onthou sal word.

Maar dit was ook met haar dood wat sy nog ‘n lewe geraak het met haar lewer wat vir ‘n 8-jarige dogtertjie geskenk is.

Prof. Elda was ‘n geregistreerde orgaanskenker.

Sy is verlede Donderdag 7 November breindood verklaar nadat sy verlede Dinsdag ‘n hartaanval gehad het. Al haar organe wat nie beskadig is nie, is geskenk.

Prof. Elda wat in Vereeniging gevestig was, was ‘n internasionaal bekroonde opvoedkundige en navorser van die Noordwes Universiteit.  Haar passie vir die onderwys was wel bekend en is sy op nasionale en internasionale vlak erken. In 2018 ontvang sy onder meer ‘n toekenning as een van die invloedrykste vroue in Afrika. Verskeie boeke is deur haar gepubliseer

Haar gedenkdiens is Vrydag 15 November om 11:30 in die Lux Deo NG gemeente in Arcon Park, Vereeniging.

Bron: Netwerk24