Atlete van die Fun Innovative Training (FIT) klub het almal die afgelope kwartaal aan verskeie atletiek ligabyeenkomste in Potchefstroom deelgeneem.
Die byeenkomste is op Dinsdagaande gehou en enige atleet kon deelneem vanaf 6-jarige ouderdom en selfs jonger, tot en met senior atlete.
Verskeie items is aangebied wat ontwikkeling en talent-identifisering ondersteun, soos ‘n 600m-item en “turbo javelin” vir o.9 deelnemers.
Na afloop van die liga-byeenkomste is daar ‘n Noordwes sub-jeug klubkampioenskap gehou, waartydens atlete aan ‘n bepaalde standaard moes voldoen om die Noordwes-span te haal.
Tien van Parys se atlete het aan die standaard voldoen en het so hul Noordwes-kleure verwerf en deelgeneem aan die jeugkampioenskappe wat op 23 November in Sasolburg gehou is.

Johanka de Villiers het tydens die byeenkoms uitsonderlik presteer, met ‘n goue medalje in die 80m.
Verskeie provinsies was verteenwoordig, met 1200 atlete wat deelgeneem het.
Ongelukkig het die byeenkoms uitgereën en heelwat items moes gekanselleer word.