Eskom se aansoek om verlof tot appél teen regter Anthonie Millar se interim bevel in die Vaal River Development Association en die Lekwa Belastingbetalersvereniging se kragstryd oor gedwonge munisipale rotasie beurtkrag en Eskom se weiering om die maksimum gekontrakteerde elektrisiteitsvoorsiening, of te wel die Notifyable Maximum Demand (NMD) vir Ngwathe te verhoog, sal nou Vrydag 11 September om 08:30 voor waarnemende regter Millar dien.

Regter Millar het met sy vroeëre interim bevel Eskom onder meer verbied om verdere kragvermindering in Parys en Vredefort toe te pas en 5 dae gegee om sy transformator in die Eskom-substasie in  Parys te herstel.

Adv. Danie Wijnbeek verskyn vir Vaal River Development Association met Lou van Wyk as opdraggewende prokureur, en adv. Herman van Eeden en Andreas Peens namens die Lekwa Belastingbetalersvereniging.