Na lang grendelmaande kon lede van die plaaslike Feathers Voëlklub uiteindelik hul eerste volwaardige na-Covid19-uitstappie hou, en is daar by Koedoeslaagte buite Parys gekuier.
Dertien klublede het die uitstappie meegemaak en was dit beslis die moeite werd om die oggend vroeg te begin om te gaan voëls kyk. Die groep het 46 voëlspesies aange- teken.
Aan die einde van die stap het die Piet-my-vrou, wat normaalweg ‘n skaam voël is, oop en bloot in ‘n boom gesit en almal die geleentheid gegee om na hartelus te kyk en foto’s te neem.
Na dié vertoning is die piekniekmandjies oopgemaak en daar is lekker gekuier. Die lys van voëls wat Feathers aangeteken het, is beskikbaar by Koedoeslaagte.