Steeds geen teken van vermiste vrou nie

Daar is steeds geen teken van die vermiste 53-jarige Rita Hawkins wat die laaste keer op 30 Desember om 10:50 op die h/v Grens- en Breëstraat in Parys gesien is nie. Sy is van Bellville en het by ‘n familielid in Parys gekuier.

Rita is verstandelik gestremd en het kaalvoet in die rigting van die rivier gehardloop toe sy die laaste keer gesien is. Sy het ‘n swart bloes en swart broek met wit kolle gedra op die dag van haar verdwyning.

Enigeen wat moontlik weet waar sy kan wees, word gevra om baie dringend die stasiebevelvoerder van Parys SAPD, luitenant-kolonel Jacques de Vos te skakel by 071 675 9311 of 08600 10111  of Wynand van We Care by 082 629 1553.