Tooi Turkoois is ‘n landwye veldtog vir die bewusmaking van bejaardesorg. Kom wys jy ondersteun ons bejaardes deur betrokke te raak op die volgende maniere: Tooi jou winkel, restaurant, huis, kantoor of gastehuis met turkoois lappe of strikkies vanaf 15 Mei tot 15 Junie. Jy kan ook ‘n lint, lap, armbandjie en ballonne by AMOT (Tweedelaan 15, Parys), koop om jou ondersteuning te wys
Nog ‘n idee is om ‘n geskenkpakkie op te maak en daarin items soos koekies, lekkers en toiletware te plaas en dit dan by ‘n tehuis vir bejaardes af te lewer. So kan jy ook vir ‘n bejaarde jou omgee wys.
Miskien is daardie pakkie net wat iemand in ‘n tehuis nodig gehad het. As jy graag nog meer inligting oor die veldtog wil hê, of wil hoor hoe jy andersins kan help of betrokke kan raak by die projek, skakel 084 580 6104 of 076 234 5525.
