Parys Christelike Skool (PCS) en Noag se Arkie is die tweede skool om vanjaar deel te neem aan Vrystaat Versorging in Aksie (VVA) Parys se gemeenskapsprojek fondsinsameling. PCS en VVA stap al ‘n paar jaar hand aan hand as dit kom by fondsinsamelings. VVA sê dankie aan die personeel en ouers wat die kinders gemotiveer het om hul donasievorms te voltooi, en die fondsinsameling so geesdriftig ondersteun het.

“Ons by VVA waardeer jul positiewe gesindheid en entoesiasme om ‘n verskil te maak waar dit regtig nodig is.” Die fondse wat ingesamel is, sal verdeel word tussen die skool en VVA Parys. PCS sal sy gedeelte gebruik om die skoolterrein te verbeter, terwyl die VVA hul gedeelte sal gebruik om die maatskaplike nood in die gemeenskap te verlig.

“Dankie aan die skool, ouers en gemeenskap vir die puik pryse.” Die eerste prys is gewen deur Anri Herbst. Luca Rust (Noag se Arkie) wen die tweede prys, en Mariska Koekemoer die derde prys. Die troospryswenners was Chanté de Vos, Roxanne van den Berg, Kloé van den Berg, Melinke en Kaylee Zitzke