Wat hy ookal pluk in sy groentetuin, gaan na die Najaarsrus kombuis, want vir die 73-jarige Albert le Roux van Najaarsrus is daar geen groter vreugde en trots as om iets vir sy medemens te doen nie.

Daarom deel hy graag die oes van sy groentetuin wat hy self instand hou, met die tehuis. Vrydagoggend was die trotse groenteboer sommer vroeg op pad na die Najaarsrus-kombuis met sy vrag lemoenpampoene in sy selfgeboude waentjie.

Die swaarste ’n yslike 5kg, en ’n uitdaging vir die kombuispersoneel wat nog nooit vantevore sulke groot pampoentjies moes kook nie.

Albert le Roux met sy oes uit sy groentetuin in die selfgeboude waentjie waarmee hy dit na Najaarsrus se kombuispersoneel neem. Op die foto hieronder kan die verskil in grootte tussen ’n normale lemoenpampoentjie en oom Albert se lemoenpampoene gesien word.