Rand Water se 16-dae beplande onderhoudswerk aan  sy waternetwerk gaan voort soos geskeduleer.

Die waterverskaffer het dit duidelik gemaak in n verklaring wat uitgereik is waarin inligting wat verkeerdelik deur die Emfuleni Plaaslike Munisipaliteit versprei is in ‘n openbare kennisgewing aan inwoners van Emfuleni, weerlê word. Rand Water het weer bevestig dat die onderhoudswerk sal voortgaan soos vroeër gekommunikeer.

Rand Water sê die kritiese onderhoudswerk is deel van die waterverskaffer  se pogings om sy infrastruktuur pp te gradeerk kapasiteit te verhoog en aanlegbeskikbaarheid te verbeter, ten einde meer betroubare watervoorsiening op die langtermyn te kan lewer.

Die waterverskaffer het die publiek bedank vir hul begrip in die proses wat hy sê tot voordeel van gemeenskappe sal wees.

Daar is ook weer onderneem dat gereelde opdaterings oor hoe die instandhoudingswerk vorder, gegee sal word.