President Cyril Ramaphosa sal Sondag Suid-Afrikaners toespreek oor die drama in polisie-geledere wat gevolg het ná ernstige bewerings van onder meer politieke inmenging wat die naweek gemaak is deur luitenant-generaal Nhlanhla Mkhwanazi, Die KwaZulu Natalse polisiekommissaris teen onder meer die minister van polisie, Senzo Mchunu.

Mchunu ontken die bewerings.

Daar is na die bewerings uit verskeie oorde druk geplaas dat die president die kwessie dringend en met die nodige erns sal hanteer.

Die toespraak sal regstreeks uitgesaai word op hoofstroom-TV- en radiokanale, insluitend SABC 1–3 en SAfm, en ook beskikbaar wees via die Presidensie se sosiale media en webwerf.