’n Interne appèl is vandag deur AfriForum by die Gautengse departement van Vervoer ingedien nadat die burgerregteorganisasie se aansoek om inligting oor die beoogde nuwe nommerplate vir die Gauteng provinsie in te win, verontagsaam is.

AfriForum dring daarop aan dat die provinsiale departement die beoogde koste en die gepaardgaande herregistrasiekoste van hierdie nommerplate bekend moet maak, asook hoe lank voertuigeienaars die geleentheid gaan hê om hul ou nommerplate te vervang.

AfriForum sê die departement het nie binne die voorgeskrewe 30 dae gehoor gegee aan die organisasie se aanvanklike aansoek  ingevolge die Wet op die Bevordering van Toegang tot Inligting (PAIA) nie.

Die nuwe nommerplate is ’n projek wat deur die Gautengse premier, Panyaza Lesufi, gedryf word, en is vroeër gesê dat die nuwe nommerplate bykomende veiligheidskenmerke bevat. Dié nommerplate word reeds van Junie af op die provinsiale regering se voertuie geïnstalleer. Dit word veronderstel dat dit teen Desember na die res van die provinsie se voertuie uitgebrei sal word, sê AfriForum. 

Volgens Louis Boshoff, veldtogbeampte by AfriForum, is daar geen syfers met die publiek gedeel oor hoeveel vervalste nommerplate daar in die provinsie is en hoeveel voertuie met vervalste nommerplate by misdaad betrokke is nie. “Solank misdadigers daarmee kan wegkom om sonder nommerplate op hul voertuie te ry, gaan dit geen verskil maak hoe goed die vereiste nommerplate is nie,” verduidelik Boshoff. “Dus lê die oplossing by beter wetstoepassing – nie nuwe foefies nie.”

“Daar is na raming meer as drie en ’n half miljoen voertuie in Gauteng.