Bykans 2 000 polisiebeamptes gereed vir uitplasing
Die polisiebeamptes wat hul opleiding voltooi het, is by vyf verskillende uitpasseringsgeleenthede ingehuldig.
Tweehonderd ses en tagtig nuut opgeleide polisiekonstabels, onder wie 215 vroue het hul opleiding aan die SAPD Akademie in Mankwe in die Noordwes provinsie voltooi, en is Vrydag amptelik ingehuldig tydens die uitpasseringsgeleentheid.
Die Noord-Kaapse polisiekommissaris, luitenant-generaal K. Otola, wat die parade bygewoon het, het gesê dat die opleiding van die nuwe konstabels deel is van die regering se pogings om die SAPD te versterk en polisiesigbaarheid in alle gemeenskappe te verbeter, en misdaadbekampingsinisiatiewe te bevorder.
Die konstabels vorm deel van ‘n totaal van 1 919 polisiebeamptes wat by vyf verskillende uitpasseringsgeleenthede ingehuldig is na voltooiing van hul opleiding, en wie by polisiestasies oor die land geplaas sal word.
