Senuwees is vandag getoets in die Noordvaal-beker finaal wat vanoggend in Carletonville beslis is, maar het Hoërskool Parys se 0.14-span die kampioenkroon gevat.

Ten spyte van Hoërskool Voortrekker se drie in die doodsnikke van die stryd, kon niks Parys stuit in hul segetog. Die wedstryd is met n telling van 8-5 in Parys se guns beslis.

Dit beteken dat Parys se 0.14’s die seisoen kon spog met naas die Noordvaal-beker ook die Valke liga-beker wat hulle vroeër huis toe gebring het.

Die span is afgerig deur Gerrit du Plessis en Wouter Croeser.