Die polisie het Donderdag vier mans in hegtenis geneem in wie se besit trok-bande gekry is waarvoor hulle geen bevedigende verduideliking kon gee nie.

Polisielede van Sasolburg in  samewerking met Hoofwegpatrollielede van Kroonstad en die Fezile Dabi-distrik,  en ander eenhede, het die oggend inligting gekry van ‘n vragmotor wat vermoedelik verbind  kon word met die diefstal van trok-bande in die Vrystaat-,  Gauteng- en Limpopo-provinsies.

‘n Lokval is gestel en is die vragmotor op die N1 in die rigting van Gauteng opgemerk. Ná ‘n jaagtog kon die polisie daarin slaag om die vragmotor voor te keer en tot stilstand te bring. Die trok-bande is agter op die voertuig gekry,  en is die vier mans tussen die ouderdom van 26 en 36 jaar gearresteer.

Hulle sal voor die Parys-landdroshof verskyn op klagte van die besit van vermoedelik gesteelde eiendom.