‘n Vermiste man na wie daar sedert verlede week gesoek is, is in die tronk gekry.

Adjudant-offisier Mmako Mophiring, sê die 19-jarige  Mphoh Kgauhelo Tsoeu van die Motsekuwa-woongebied in Bohlokong is verlede Donderdag deur sy familie as vermis aangemeld.

Mophiring het net na 17:00 vanmiddag bevestig dat Tsoeu in die gevangenis opgepoor is en aangekla word van die besit van vermoedelik gesteelde eiendom.