‘n Ongelooflike dag, ‘n ongelooflike inisiatief, ‘n ongelooflike gees onder deelnemers en ondersteuners,  en die ongelooflike talent van kommentator Thabo Molete agter die mikrofoon het die hoofstraat van Parys vanoggend behoorlik besig gehad vir die derde Parys Crater Street Mile sukses, aangebied deur Parys Rotary in samewerking met Parys Info & Tourism onder die vaandel van Parys Multisport.

Hier is talent van die land se voorste atlete gesien, maar ook kinders, besighede, jonk en oud wat met oorgawe aan die dag deelgeneem het.

Daar is moed en deursettingsvermoë gesien. Omgee van mense om drome waar te maak.

Dankie aan elkeen wat deelgeneem het, elkeen wat ondersteun het, elkeen wat hard gewerk het.

Dit was ‘n trotse dag vir Parys.