Hotstix wen Parys se Classic
Die toernooi word tweejaarliks in Parys aangebied wat 'n gewilde ghoflbestemming is, en het die meeste vroue nog vanjaar vir dié toernooi ingeskryf.
‘n Rekordgetal van 124 vroue was verlede week in aksie vir die tweejaarlikse Parys Ladies Classic-gholftoernooi. Die toernooi is vanjaar vir die sewende keer aangebied en sou oor twee dae op beide die Parys Golf & Country Estate, en Vaal de Grace gholfbane gespeel word.
Die tweede dag se spel by Vaal de Grace moes egter weens reën afgestel word.
Vroue van oor die Vrystaat, Noordwes, die Vaaldriehoek, Gauteng, Pretoria, die Oos-Rand en selfs uit die Kaap het ingeskryf. Vanjaar se tema was Colours of Joy, en was dit ‘n kleurvolle gesig om die vroue in hul vrolike spandrag te sien afslaan.
Elke span se naam word gekies om by hul tema te pas. Van die Rainbow Chicks tot die Periwinkle Pixies, die Blue Berris en die Tee Time Birdies was daar.
Wenners
Uitslae is op grond van die eerste dag se spel bepaal met die Hotstix se Marieta Cawood, Esta van Heerden, Zelda Breytenbach en Annamarie Grewar wat die span kompetisie gewen het.
Zelda het ook die individuele kompetisie met ‘n formidabele 41 punte gewen.
Carene le Roux van Parys was die gelukkig trekking wenner uit al dié wat voëltjies op die kortgate aangeteken het. Hegte vriendskappe is ook weer met vanjaar se toernooi gesmee.
