Die jaarlikse gala-aand van die Stefan Louw Sangskool is gekenmerk deur uitstaande talent van studente van dié sangskool, gekomplimenteer met ‘n uitstekende programsamestelling en
aanbieding.

Met die ervare afrigtershand van bekroonde tenoor Stefan Louw wat gesien is in die optredes van elkeen van hierdie studente, was die konsert ‘n luisterryke belewenis van verskeidenheid wat iets vir elke smaak gebied het.

Die hoogtepunt van die aand was die oorhandiging van die Sangskool se toekenning vir die Student van die Jaar wat vanjaar aan Susan Venter toegeken is.

Die studente wat die aand op die verhoog gehoor is, was dr Gerrit
Gouws, Susan Venter, Mila Venter, Gabriella Nunes, Marisa Louw, Fleur Walt-Vermmaak en Lappies Labuschagne.