Daar sal vanoggend begin word om twee van die agt sluishekke wat tans oop is by Vaaldam, toe te maak.

Die eerste sluishek sal om 10:00 vanoggend toegemaak word, en die tweede sluishek om 14:00 vanmiddag.

Dit sal beteken dat daar dan nog ses sluishekke by Vaaldam oop is, en sal ‘n daling in die watervlak van die Vaalrivier na verwagting teen Sondag gesien kan word.

Barrage het teen 07:00 vanoggend water uitgelaat teen 1 309,1 kubieke meter per sekonde.

Schoemansdriftbrug

Motoriste moet egter daarop let dat die Schoemansdrift laagwaterbrug in die Vredefort Koepel steeds gesluit is vir alle verkeer.

Die Vaalrivier se watervlak by dié laagwaterbrug het teen 18:00 gisteraand nog 3,15m gemeet met watervloei teen 1 710 kubieke meter per sekonde.