Die mans  wat Saterdag ‘n 36-jarige slagoffer in die Mapetla-gebied in Mokwallo beroof het is Maandag deur speurders van Vredefort en lede van die Fezile Dabi Trio-taakspan in hegtenis geneem.

 Die verdagtes, onderskeidelik 22 en 23 jaar oud, is in hegtenis geneem vir gewapende roof en die besit van ’n nagemaakte vuurwapen.  Die nagemaakte vuurwapen en die slagoffer se selfoon is tydens die arrestasie in die verdagtes se besit gekry.

Hulle sal na verwagting binnekort in die Vredefort-landdroshof verskyn.