Vyf voertuie en ‘n vragmotor moes vroeg vanoggend (Sondag 3 Maart) deur insleepdienste van ‘n botsingstoneel op die N1 sowat 11km vanaf die Vaal Plaza-tolhek in die rigting van Kroonstad verwyder word na ‘n kettingbotsing wat net na 05:00 vanoggend gebeur het.

Dit wil voorkom asof ‘n gebarste band van een van die voertuie die oorsaak van die botsing was toe die voertuigbestuurder beheer verloor het, en dit gelei het tot die kettingbotsing waarby minstens 2 vragmotors en verskeie motors betrokke was.

Vier mense is in die botsing beseer en is per ambulans van die toneel vervoer.