Local newsNews

Evas se kreatiewe saamwees

Doen jouself n guns en sluit aan by dié gesellige groep.

Wat as `n lighartige gesprek oor `n koppie koffie na kerk begin het, het gelei tot `n gesellige maandelikse samekoms van kreatiewe vroue in die NG Suid Kerksaal in Delverstraat. Gepas genoem – Die Evas.

Dié breinkind van Susan Brits is `n poging om vroue van alle ouderdomme bymekaar te kry om vaardighede aan te leer, geïnspireer deur die Bybelse beginsel dat ouer vroue die jongeres moet leer. Tog het dit gou geblyk dat dit `n oor-en-weer leerdery sou wees.

Daar is reeds twee suksesvolle geleenthede gehou waar onder meer papiervoukuns, basiese Macramé, en kleimodellering gedoen is.

Om die besige skedules van vroue tegemoet te kom, is die heerlike saamkuier en kreatief wees net van 10:00 -12:00 op `n Saterdagoggend, eenmaal per maand.

Hier is geleer hoe om kunstige papierblomme te vou.

Basiese Macramé vaardighede word hier geleer. 

Die verrigtinge word afgesluit met tee, koffie en `n versnapering.

Betyds om nog die res van die Saterdag tuis te geniet. Alles gratis en verniet.

As jy nuwe vaardighede wil aanleer, of as jy ander met jou vaardigheid wil bemagtig, skakel Susan by 061 091 4609 om ingesluit te word by die Whatsapp groep waar die program en datums deurgegee word.

Kyk ook uit vir Die Evas se Facebook blad wat binnekort aktief sal wees.

Doen jouself n guns en sluit aan by dié gesellige groep.

Alle vroue is welkom – oud of jonk, kunstig of nie – daar is plek vir jou.

At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.

Liezl Scheepers

Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.

Related Articles

Back to top button