Baie onthou Burger Box gunstelinge
Wat ookal jou gunsteling was - een ding is seker - oor die jare was dié padkafee gewild nie net vir sy lekker kos nie maar die herinneringe wat hier gemaak is.
Of dit pizzas, hamburgers of melkskommels was – vir Parysenaars, soos baie Vaaldriehoekers was die Burger Box Roadhouse in Vereeniging oor baie jare ‘n groot gunsteling.
Die gewilde padkafee het sy deure na 64 jaar gesluit.
Vra jy wat mense se gunstelinge op die spyskaart was, is dit duidelik dat die ‘Blondie Burger’ een van die gewildste keuses was.
Maar die gunstelinge was te veel om te noem, skryf ‘n leser. Van die Dagwood, tot die lekkerste vis, kaasburgers en die Hamburger Deluxe.
Elize Truter skryf hulle het vir jare die Burger Box se kos geëet – veral hul pizzas en hamburgers met lekker uieringe en aartappelwiggies. “My hart is seer oor hul nou gesluit is.”
Vir Nicolene Hallaby was die Koffie melkskommel beter as die beste,
James Barkley onthou die Burger Box vir “Double Dekker late at night after the jol, 79, 80s, 90s – our young and restless years.”
En dan was daar die Mix grill en die Toffee Caramel melkskommel, die lemmetjie mellkskommels, en heerlike Eisbein chips en slaai vertel Estelle Stander-Steenkamp.
Herman Groenewald onthou die ontbyt wat hulle altyd daar geëet het as hy teruggery het van Heilbron na Pretoria.
En moenie vergeet van die hoender met slaai.
Wat ookal jou gunsteling was – een ding is seker – oor die jare was dié padkafee gewild nie net vir sy lekker kos nie maar die herinneringe wat hier gemaak is.
