Wêreldkampioenskap-eer vir sensei Roelien
Sensei Roelien Vorster van Parys het van 11-13 Oktober die eer gehad om haar land as lid van die SA Protea-span by die ICO wêreldkampioenskappe vir gevegkuns in Frankfurt, Duitsland, te verteenwoordig. Sensei Roelien het aan die wapenstyle in kata en kumite deelgeneem, en verower twee silwer en twee goue medaljes. Die SA Protea-span met …
Sensei Roelien Vorster van Parys het van 11-13 Oktober die eer gehad om haar land as lid van die SA Protea-span by die ICO wêreldkampioenskappe vir gevegkuns in Frankfurt, Duitsland, te verteenwoordig.
Sensei Roelien het aan die wapenstyle in kata en kumite deelgeneem, en verower twee silwer en twee goue medaljes.
Die SA Protea-span met sy elf spanlede het ‘n totaal van 36 medaljes huis toe gebring en eindig algeheel in die negende plek uit die 21 deelnemende lande.
Sensei Roelien doen karate vanaf 1986 en is ‘n instrukteur by Parys Martial Arts.
Sy gradeer in Desember vir haar 4de dan.
Parys Martial Arts oefen Maandae en Woensdae in die NG Oos-kerksaal vanaf 17:30 tot 18:15 vir studente met wit tot geel gordels, en van 18:15 tot 19:00 vir studente met oranje tot swart gordels.
