Stormskade by kerk se kloktoring word herstel
Die NG kerkgebou is meer as 100 jaar oud, vertel die gemeenteleraar, ds. Hannes Haggard.
Die kerktoring traliewerk van die historiese NG kerkgebou in Vredefort wat vroeg November tydens ‘n hewige windstorm omgewaai is, en aan die kabel van die weerligafleier gehang het, gaan herstel word.
Kontrakteur Dolf Smit, eienaar van Rooftop Contractors in Pretoria, en self ‘n boorling van Vredefort, het Dinsdag die
beskadigde traliewerk en weerhaan afgehaal met die hulp van ‘n hyskraan.
Die klein opening op die toring is daarna tydelik geseël teen reën en waterskade
Die konstruksie firma sal met voltooiing van die herstelwerk aan die traliewerk, dit weer vroeg in 2025 terugplaas op die toring.
Rooftop Construction spesialiseer veral in die restourasie van historiese geboue. Dolf het grootgeword op die plaas Good
Hope in die Vredefort-distrik. Hy is betrokke by die herstel en restourasie van verskeie historiese kerkgeboue en het oor die jare ‘n
waardering vir geskiedenis en ‘n rykdom van kennis versamel.
Die NG kerkgebou is meer as 100 jaar oud, vertel die gemeenteleraar, ds. Hannes Haggard.
