Man sterf toe vragmotor van brug af in rivier val

Personeel van ER24, polisieduikers, die SAPD se lugvleuel, brandweerpersoneel en verkeerspersoneel is geloof vir die hulp wat op die botsingstoneel verleen is.

January 23, 2025

Liezl Scheepers 1 minute read

‘n Drie dae lange herwinningsaksie om ‘n vragmotor en sleepwaens uit die Vaalrivier te haal, is Maandag voltooi, na die tragiese ongeluk Saterdagmiddag waarin ‘n vragmotorbestuurder gesterf het toe hy beheer oor die vragmotor verloor het op die N1-Vaalrivier-brug aan Vrystaat-kant.

Die vragmotor en sleepwaens het van die brug af in die rivier geval. Die vermoede is dat ‘n gebarste band moontlik die oorsaak van die ongeluk kon wees.

Polisieduikers het Saterdag reeds die man se liggaam uit die Vaalrivier gehaal, en toe is daar begin met die moeilike taak om die herwinning te doen. Die laaste sleepwa is Maandag uit die water gehaal.

Personeel van ER24, polisieduikers, die SAPD se lugvleuel, brandweerpersoneel en verkeerspersoneel is geloof vir die hulp wat op die botsingstoneel verleen is.

Die herwinningsoperasie om die vragmotor en sleepwaens uit die rivier te haal, het drie dae geduur. Foto’s: Verskaf

Daar was oor die naweek verskeie ernstige ongelukke.

Vroeër Saterdagoggend het ‘n vragmotor met ‘n vrag spanspek op die N1-hoofweg tussen die Greenlandsbrug en die Engen One Stop omgeslaan. Die vragmotorbestuurder is in ‘n kritieke toestand deur ER24 na die hospitaal vervoer.

Saterdagaand is ‘n man op die R59 tussen Parys en Vredefort by die Schoemansdrift-pad in ‘n botsing oorlede.

Die ander twee insittendes van die voertuig is met minder ernstige beserings na die Parys-hospitaal vervoer.

At Caxton, every story is written by humans. We use AI only to perform quality checks - never to generate the news. Happy reading!

January 23, 2025

Liezl Scheepers 1 minute read

Liezl Scheepers

Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.