Die Ngwathe Plaaslike Munisipaliteit het die aanstelling van sy finansiële hoof nietig verklaar weens die nie-nakoming van ‘n artikel in die Wysigingswet op Munisipale Stelsels (Artikel 56 (2)(a) – Wet nr. 3 van 2022). Die munisipale woordvoerder, Steve Naale, het ook bevestig dat die aanstelling verval as gevolg van die nie-nakoming van Artikel 57 van die Wysigingswet op Munisipale Stelsels (Wet nr. 3 van 2022, Subartikel 2 paragraaf (a)).

Die munisipaliteit sê verder dat die pos vakant verklaar is, en geadverteer sal word. ‘n Keurkomitee wat deur die Raad aangestel is, moet die proses bestuur.

Intussen sal Serame Phetoane, finansiële bestuurder van die Ngwathe Plaaslike Munisipaliteit, in die pos as hoof- finansiële beampte waarneem na ‘n besluit wat deur die Raad tydens ‘n dringende spesiale raadsvergadering verlede week geneem is.