‘n Vragmotorbestuurder is Sondagaand lig beseer na ‘n botsing sowat 13km buite Parys op die R59.

Die vragmotor het teen ‘n boom tot stilstand gekom.  Die ongeluk is net voor 20:00 gerapporteer. Nooddienste is na die toneel ontbied en is die vragmotorbestuurder per ambulans van die toneel vervoer.

Dit was die soveelste ongeluk op die R59 die afgelope twee maande waarvan verskeie  noodlottige beserings gehad het. Net gedurende Januarie is vyftien ongelukke op die R59 tussen Sasolburg en Parys aangemeld.