Verskeie paaie is reeds onder water na die afgelope twee dae se reën, en is motoriste opnuut gewaarsku om te hou by spoedgrense en veilige volgafstande.

Hou die volgende in gedagte wanneer jy jou roete beplan

• R34 Edenville/Kroonstad tans oop
• R34 Welkom/Kroonstad – oop maar baie nat
• R76 rigting Viljoenskroon omtrent 24km buite Kroonstad – water oor die pad, maar nie gesluit nie. Wees uiters versigtig en verminder spoed.
• R59 Parys/Vredefort-pad – water oor die pad net voor Vredefort.
• R30 tussen Bothaville en Orkney naby die R76-kruising na Viljoenskroon – pad is onder water, verminder spoed, geen waarskuwingstekens.
• R76 Spoorwegkruising pad onder water – verminder spoed.
• Schonkenville-pad rigting N1 – water op die pad
• R57 soos jy vanaf Petrus Steyn Heilbron inry by die skerp draai – huise by Sandersville onder water.