Parys pak Bothaville dié week in rugbystryd

Parys-rugbyklub speel Woensdag 19 Maart om 20:00 hul volgende Griffons ligawedstryd teen Bothaville op Hoërskool Bothaville se velde.

Die wedstryd volg nadat Parys Saterdag op sy tuisveld afgereken het met die span van Bronville met ‘n skitterende telling van 55-0 in Parys se guns.

Foto’s: Liezl Scheepers

Parys se puntemakers was Louis Jansen van Vuuren, Xander Erasmus, Gideon van Wyk, Kaleb Kriek, Marchell Hattingh, Benoni Sechele, Ewald Tolmay en Ian Posthumus.

Foto’s: Hilke Scheepers

Spelers van die wedstryd was Lorenzo Molifi en Xander Erasmus.

Parys was tot dusver onoorwonne die seisoen in beide hul vriendskaplike en ligawedstryde.