Die deursoek van voertuie vir ongelisensieerde vuurwapens en gesteelde eiendom, die bekamping van veediefstal, en om seker te maak voertuie is padwaardig, was  die oogmerk van ‘n suksesvolle operasie wat Vrydag op die R57 buite Heilbron gehou is onder bevel van kapt. Ramatsebe.

Die SAPD distrikskantoor in Fezile Dabi, tesame met lede van verskeie polisiestasies in die distrik, en die polisie se kommunikasie-eenheid, het aan die operasie deelgeneem en is waardevolle wenke ook aan motoriste gegee om veiligheid op te skerp.