‘n Oos-Kaapse boer het vanoggend in die landdroshof op Clocolan verskyn op ‘n klag van bedrog nadat hy na bewering sy graanstroper op ‘n plaas in die Clocolan-distrik aan die brand gesteek het en toe ‘n vals eis by die versekering ingedien het.

Polisiewoordvoerder sers Mahlomola Kareli sê die 56-jarige Johannes Conraard Muller,wat aangekla word daarvan dat hy ‘n versekeringsmaatskappy uit etlike duisende bedrieg het, is gearresteer nadat die polisie se Provinsiale Kommersiële Misdaad Ondersoek Eenheid in die Thabo Mofutsanya Distrik ‘n groot deurbraak gemaak het, nege jaar nadat  in 2016 begin is met ‘n ondersoek na die bedrieglike versekeringseis.

‘n Bedrag van R700 000 is na die eis aan Muller uitbetaal deur die versekeringsmaatskappy, sê sersant Kareli.

Sersant Kareli sê die vals eis is ingedien nadat Muller na bewering glo self sy graanstroper aan die brand gesteek het, en toe vals inligting saam met die eis ingedien het.

Hy is op R500 borgtog vrygelaat en moet weer op 14 Mei in die hof wees, het sersant Kareli bevestig.