Graffiti is weer verlede week op die geskiedkundige 1919 hangbrug oor die Vaalrivier in Parys geskryf wat die afgelope twee jaar al deur vrywilligers uit eie sak netjies gehou word.

Die syfers 302 verskyn op die graffiti en word die publiek se hulp nou gevra om hierdie vandale vas te trek. As jy enige leidrade het wie die skuldiges is, of mense sou sien wat besig is met dié vandalisme, rapporteer dit by die polisiestasie sodat die skuldiges vervolg kan word.

Die brug is ‘n belangrike toerisme-bate vir die dorp en moet die vernielsug stop gesit word. Telkens is dit inwoners wat uit eie sak moet toe verf wat ander verniel.