Ure nadat die Schoemansdrift-brug in die Vredefort Koepel gistermiddag oopgemaak is vir verkeer, het die Vaalrivier se watervlak so gestyg dat die brug weer gesluit moes word vir verkeer. Die brug kon egter wel weer vanoggend om 08:00 oopgemaak word.

Vanoggend het die water by die brug  2,23m gemeet en watervloei 989 kubieke meter per sekonde.

So het dit gister gelyk

Gisteroggend is die watervlak by die brug op 2,1m teen  07:00 gemeet en vloei  teen 896 kubieke meter per sekonde. Gevolglik kon die brug toe oopgemaak word vir verkeer nadat opgeruim is.

Die brug was sedert 24 April gesluit en is skade as gevolg van die vloedwater aan die brugreëlings  aangerig en die pad weerskante van die brug weggespoel.

Grondeienaars aan Vrystaat-kant in die Vredefort Koepel, en hul werkers het opgeruim by die brug en die pad opgevul, en teen 12:25 was die brug oop, maar teen 16:30 gistermiddag het die water reeds weer  begin styg tot 2,5m en was vloei gemeet op 1 190 kubieke meter per sekonde.

Teen 17:50 gistermiddag het die Vaalrivier se watervlak by die brug tot 2,65m gestyg en die watervloei is teen 1 306 kubieke meter per sekonde gemeet.

Vaaldam

Vaaldam is nou 112,18% vol met invloei gemeet teen 401,19 kubieke meter per sekonde en uitvloei gemeet teen 511,80 kubieke meter per sekonde. Status quo by Vaaldam sal vandag gehandhaaf word met vier heksluise oop.

Uitvloei by Bloemhofdam sal egter stelselmatig nog verder verminder word as volg:

10:00 – 1 950 kubieke meter per sekonde

12:00 – 1 800 kubieke meter per sekonde

14:00 – 1 650 kubieke meter per sekonde

16:00 – 1 500 kubieke meter per sekonde