DA-leier en minister van landbou, John Steenhuisen, het vanoggend in Durban amptelik aangekondig dat hy hom nie weer in April beskikbaar gaan stel as DA-leier nie. Hy bly egter aan as minister van landbou in die Regering van Nasionale Eenheid.

Steenhuisen het dit duidelik gemaak dat dit nie die einde van sy pad met die DA is nie.

Hy het ook gesê dat dit nou tyd is vir ‘n volgende generasie van leierskap.  “Ek is lief vir my party en ek is lief vir my land, en ek wil voortgaan om elke dag te werk om die sukses van beide te verseker,” het Steenhuisen gesê.

Steenhuisen het in 2020 by Mmusi Maimane oorgeneem as leier van die DA en het in sy termyn die DA na die Nasionale Vergadering gelei.

Volgens Steenhuisen wil hy as minister van landbou nou al sy aandag fokus op die Bek-en-klouseerkrisis, en sê hy dat dit nie regverdig sou wees om sy aandag te verdeel tussen die DA se verkiesingsveldtog wat voorlê , en die krisis wat die bek-en-klouseer uitbraak in die landboubedryf veroorsaak.

Hy het in sy toespraak uitgebrei oor die DA se suksesse en groei, en gesê dat sy misie by die DA voltooi is en hy al sy beloftes vir die party vervul het.