Twee mans het vandag in die Mogwase-landdroshof verskyn op klagte van die besit van vermoedelik gesteelde eiendom en veeediefstal verskyn nadat polisielede die vleis van ‘n geslagte Brahman koei in ‘n Ford Fiesta gekry het.

Borgtog van R1 000 elk is toegestaan aan Sello Madumo (35) en Mothibi Letsogo (37). Hulle sal weer op 17 Maart voor die hof verskyn.

Volgens kaptein Adéle Myburgh het die brandmerk op die vleis die ondersoekspan van die Madikwe Veediefstal- en Bedreigde Spesies-eenheid (STES) na die eienaar van die koei gelei.  Myburgh sê die beeste se eienaar sê dat hulle tussen 21 Januarie  en 5 Februarie 2026 na bewering rondom Letlhakeng-dorp in Mabeskraal gewei het. Met hul terugkeer na die kraal was twee Brahman-beeste weg.

Die Waarnemende Provinsiale Kommissaris van Noordwes, Majoor-generaal (Dr) Ryno Naidoo, het die gemeenskap en die polisie bedank vir hul samewerking wat tot die inhegtenisneming van die vermeende veediewe gelei het.

 Hy het boere aangemoedig om hul vee te brandmerk ingevolge die Wet op Diere-identifikasie, 2002 (Wet No. 6 van 2002), omdat dit help om eienaars van gesteelde vee te identifiseer, soos in hierdie geval.