Parys-rolbalklub se 4’e Kampioenskap is gewen deur Wayne van Zyl, Christelaine van der Westhuizen, Jaap van der Westhuizen en Linda van Zyl. Dié vier het Jaco Nel, Louis Maritz, Chrisjan Wessels en Shirley Maritz in die finaal geklop.

Jaap het ook Parys verteenwoordig by die Noordwes Novice-toernooi, waar hy ‘n brons medalje verower het.

Wayne van Zyl en Dries de Jager spog op hul beurt met goue medaljes in die Noordwes Mans Veterane Pare-afdeling.

Dries en Wayne het deurgaans baie goeie rolbal gespeel, om die vorige twee jaar se wenners in die kwartfinaal uit te skakel.