Groot verkeersontwrigting is vanmiddag op die R59 tussen die N1 en Parys veroorsaak nadat ‘n vragmotor van SA Brouerye sy vrag bier langs die pad verloor het. Die chaos is vererger deur padwerke op die R59 met ‘n stop/rybeheerpunt wat as gevolg hiervan ingestel is. Boonop is twee abnormale vragte ook in dié tyd via die R59 vervoer.

Niemand is in die botsing beseer nie, maar het wetstoepassers hul hande volgehad om te keer dat mense nie die vrag bier wegdra nie.

Hoewel die pad nie gesluit is vir verkeer nie, is verkeersvloei baie stadig en is motoriste gevra om uiters versigtig te bestuur, te hou by spoedgrense en veilige volgafstande.

Let ook daarop dat daar nog gevaarlike slaggate op die pad is en dat die R59 baie swaar verkeer dra.