Net toe jy dink jy gaan rose snoei en jou somertuin agtermekaar kry, sê die Weerburo – hokaai, die koue kom.

Die Suid-Afrikaanse Weerdiens voorspel koue en winderige toestande so kort voor die naweek vir die Oos-Kaap, suidelike dele van die Noord-Kaap en sentrale dele van die Vrystaat asook dele van KwaZulu Natal.

Sneeu is vir die hoogliggende dele  van die Oos-Kaap voorspel  vir Donderdag 5 September, terwyl sneeu oor die Drakensberge ook nie uitgesluit word nie.

Maak dus maar reg vir laer temperature en winderige toestande. Vrydag kan Parysenaars ‘n maksimum van 21 grade te wagte wees, maar tel temperature weer na die naweek toe op.