NWU Besigheidskool inspireer jong vroue
As die top-innoveerders het hulle 'n ongelooflike tegnologie-toer in die buiteland verdien.
Die InnovateHER 2024 Gala Ontbyt het Saterdag 9 November ‘n inspirerende gemeenskap van jong vroulike innoveerders en leiers bymekaargebring. InnovateHER, ‘n inisiatief gelei deur die Noordwes-Universiteit se Besigheidskool, is toegewy daaraan om jong vroue van 15-25 jaar oud toe te rus met noodsaaklike digitale vaardighede vir die Vierde Industriële Revolusie, om selfvertroue te bou en sterk vroulike rolmodelle te kweek.
Deur die InnovateHER Youth Innovation- kompetisie, leer deelnemers noodsaaklike vaardighede in kreatiewe probleemoplossing, mobiele toepassingsontwikkeling en entrepreneurskap. Hierdie program bied ook toegang tot mentorskap van kundiges in die bedryf en ‘n netwerk van eendersdenkende eweknieë – almal met ‘n missie om ‘n volhoubare en billike toekoms te skep.
“Baie geluk aan Studiemaats! As die top-innoveerders het hulle ‘n ongelooflike tegnologie-toer in die buiteland verdien – ‘n onskatbare, eens-in-‘n-leeftyd ervaring. ‘n Groot applous aan alle finaliste wat hul visioenêre idees gedeel het en dankie aan almal wat InnovateHER 2024 so ‘n inspirerende geleentheid gemaak het,” het die universiteit in ‘n verklaring gesê.
Kyk na die fotos hier:
