PNA Potchefstroom het vandeesweek twee bokse skryfbehoeftes vir Potchefstroom Herald se insamelingsprojek geskenk.

Die bokse is gevul met pennesakkies wat reeds skryfbehoeftes soos ‘n liniaal, potloot en uitveër vir meisies en seuns bevat.

Potchefstroom Herald het ‘n insamelingsprojek begin waar ons die gemeenskap uitdaag om saam met ons ou/gebruikte of nuwe skryfbehoeftes vir minderbevoorregte kinders in te samel.

Meeste ouers koop aan die begin van elke skooljaar vir hul kinders nuwe skryfbehoeftes en word ou skryfbehoeftes weggegooi of in ‘n kas gedruk.

Daar is baie ouers wat nie skryfbehoeftes vir hul kinders kan bekostig nie.

Volgens Dustin Wetdewich, redakteur van Potchefstroom Herald, is dit ongelooflik om te sien hoe inwoners en besighede bymekaar kom om kinders in ons gemeenskappe by te staan.

“Potchefstromers is maar net omgee mense,” het Wetdewich gese.

Help ons om diegene in nood te help om gerieflik hulle skoolwerk te kan doen. Ou/gebruikte skryfbehoeftes en nuwe skryfbehoeftes kan by die Potchefstroom Herald se kantoor by 9 Fickstraat afgegee word.