Die munisipalitiet het Woensdag, 19 Februarie vinnig opgetree nadat ‘n boom in Peter Mokabastraat omgeval het.

Die reuse eikeboom het weens die dae se aanhoudende reën omgeval en binne ‘n erf geval. Die buitenste muur en hek is deur die boom beskadig.

Madra de Bruin, DA-raadslid, het die munisipaliteit gekontak en binne ‘n uur het die span opgedaag en die boom begin opsaag.

Die grootste deel van die boom en takke is vinnig uit die erf verwyder. Ongelukkig vermoeilik die reën die opsaag van die stomp gedeelte wat nog op die sypaadjie agter gebly het. Die muur kan ook nie tans weens die weer herstel word nie.