‘n Familie wil hulde bring aan ‘n dogter, babasuster, kleindogter en tannie wat verlede week oorlede is. Sy was lewenslustig en vrolik, maar het haar stryd verloor teen SLE (Sistemiese Lupus Erythematosus), ‘n chroniese outo-immuun siekte wat verskeie organe en weefsels in die liggaam kan aantas, en breinvliesontsteking.

Marizaan Visser was oorspronklik van Potchefstroom en het die afgelope jaar haar toekoms begin bou deur by die Eduvos kampus in Potchefstroom te studeer. Sy het haar skoolloopbaan aan Hoër Volkskool voltooi.

“Sy het as jong meisie diep spore in ons harte getrap. Ons gaan die giggle en spontane geklets die meeste mis,” vertel Marizaan se familie.

“Marizaan sal veral onthou word vir haar sprankelende geaardheid. Haar gewilligheid om ander te help waar sy moontlik kon, al het dit nie altyd te goed gegaan met haar nie. Sy was die mees liefdevolste mens wat ons nog ooit ontmoet het. Ons as ouers en talle ander wat haar goed geken het, sukkel nog om haar skielike heengaan te verwerk. Hoe gaan ons sin maak van ‘n lewe sonder ons Lola? Rus in vrede.”