ʼn Voertuig het vanoggend (5 Desember) omstreeks 09:00 op die Carletonvillepad gerol.

Die bestuurder het glo ongeveer 15km van Potchefstroom beheer van die voertuig verloor en deur die palissades van Boskop vulstasie gerol. Die 41 jarige vrou is deur ER24 op die toneel behandel waarna sy na Medi-Clinic Potchefstroom vervoer is vir verdere behandeling. Sy het matige beserings opgedoen.

Die presiese oorsaak van die ongeluk is nog onbekend maar die polisie en verkeer was op die toneel om verder ondersoek in te stel.