Vier mense is gisteraand (22 April) omstreeks 22:00 op die N12 oorlede. Die vier is na bewering almal deel van een gesin.

Ses ander mense is ook tydens die ongeluk wat ongeveer 20 km van Potchefstroom plaasgevind het, beseer. Paramedici van ER24 en IMR ambulansdienste het op die toneel gekom waar hulle die erg beskadigde voertuig gevind het. Die gesin waaronder een ń kind is, was na bewering oppad terug van Angus Buchan se bid byeenkoms in Bloemfontein af.

Die N12 was toe gewees waarna die verkeer na een baan herlei is. Die presiese oorsaak van die ongeluk is nog onbekend maar die polisie was op die toneel om verdere ondersoek in te stel.