‘n Klas is vandag (16 Mei) op die NWU Potchefstroomkampus deur ‘n groep wat EFF klere aan gehad het ontwrig.

Volgens Louis Jacobs, woordvoerder van die NWU, was slegs een klas sonder enige geweld ontwrig. Volgens hom het daar ‘n groep, wat EFF klere aangehad het, binne in die klas in beweeg.

Die groep het in die gange van die klas gesit waarna hulle die dosent begin afneem waar die dosent besig was om in Afrikaans klas te gee.

“Die dosent het aangehou om die klas aan te bied waarna die groep uit beweeg het. Die veiligheid van ons personeel en studente is van kardinale belang,” het Jacobs gesê.

Volgens hom het die kampusstudenteraad voorsitter, Jacques Hugo reeds positiewe gesprekke  met verskeie groepe gehad.

Kyk wat het Prof Janse van Rensburg te sê gehad oor die voorval.

VIDEO:FACEBOOK/NWU-PUKKE