’n Man is dood en ’n ander beseer nadat ’n sloot wat hulle gegrawe het, op hulle ingeval het.
Volgens kapt. Mvula Chaka, polisiewoordvoerder, is Pogiso Ratikwane (37) Maandag (4 Junie) omstreeks 17:00 op die toneel dood verklaar. Volgens ‘n verklaring van ER24, het twee ander mans  wat by die voorval betrokke was oorleef.
Hulle is is met geringe beserings deur ER24 na die Potchefstroom-hospitaal geneem.
Die brandweer is ontbied om die twee te help bevry.
Die mans was glo besig om ’n sloot te grawe waar waterpype gelê word.
Volgens Chaka is ’n geregtelike doodsondersoek van stapel gestuur.